Maşın dərəyə aşıb, sürücü ölüb

Şamaxı-Muğanlı-İsmayıllı yolunda ölümlə nəticələnən avtomobil qəzası baş verib. APA-nın məlumatına görə, hadisə ötən gecə yolun 16-cı kilometrliyində, İsmayıllı rayonunun Basqal kəndi ərazisində qeydə alınıb. Şamaxı rayon sakini, 1992-ci il təvəllüdlü Rəşidov Qərib Rəşid oğlunun idarə etdiyi 90-NR-478 dövlət nömrə nişanlı, “Mercedes” markalı minik maşını sürətlə hərəkətdə olarkən idarəetmədən çıxaraq ağaca çırpılıb və dərəyə aşıb. Hadisə zamanı maşında tək olan sürücü dünyasını dəyişib. Faktla bağlı araşdırma aparılır.