Keçmiş məhbus piyadanı vurub öldürdü və…

Bakı şəhər Baş Polis İdarəsi Cinayət Axtarış İdarəsi və Təhlükəsiz Şəhər Xidməti əməkdaşlarının keçirdiyi əməliyyat-axtarış tədbirləri nəticəsində, aprelin 5-də saat 05:30 radələrində Hövsan-Türkan yolunda Hövsan qəsəbəsi sakini, 1980-ci il təvəllüdlü Teymur Əlimövsüm oğlu Mahmudovu avtomobillə vurub ölümünə səbəb olan xəsarət yetirərək hadisə yerindən qaçmaqda şübhəli bilinən naməlum sürücü və avtomobil müəyyən olunub. BPİ-dən Cars-az-a verilən məlumata görə, keçirilən təxirəsalınmaz tədbirlərlə ölümlə nəticələnən yol-nəqliyyat hadisəsini törətməkdə şübhəli bilinən Bakı şəhər sakini, əvvəllər məhkum olunmuş, sürücülük hüququ olmayan 1985-ci il təvəllüdlü Vüsal Məhərləm oğlu Paşayev idarə etdiyi “Daevoo Nexia” markalı avtomobillə saxlanılaraq istintaqa təhvil verilib. Faktla bağlı istintaq, əməliyyat-axtarış tədbirləri davam etdirilir.

Elmin