Nazirlik ağır qəzalarla bağlı məlumat yaydı

Daxili İşlər Nazirliyi ölkədə baş verən ağır yol qəzaları ilə bağlı məlumat yayıb. Cars-az nazirliyin mətbuat xidmətinə istinadən xəbər verir ki, noyabrın 24-də saat 18 radələrində Ağstafa rayonunun Dağkəsəmən kəndində kənd sakini Qabil Salıfovun idarə etdiyi “VAZ-21013” və Qazax rayon sakini Səyalı Mirzəliyevanın idarə etdiyi “Kia” markalı avtomobillər toqquşub. Nəticədə Q.Salıfov hadisə yerində ölüb, S.Mirzəliyevanın sərnişini xəstəxanaya yerləşdirilib. BDYPİ tərəfindən araşdırma aparılır.

Bundan başqa noyabrın 24-də saat 15 radələrində Neftçala rayonunun Xolqarabucaq kəndində kənd sakini Dabil Mustafayev idarə etdiyi “VAZ-21043” markalı avtomobillə yolu keçən həmkəndlisi Aysel Nəcəfovanı vurub. Xəstəxanaya yerləşdirilmiş A. Nəcəfova orada ölüb. Neftçala RPŞ tərəfindən araşdırma aparılır.