Lənkəranda ölümlə nəticələnən yol qəzası baş verib

Lənkəranda ölümlə nəticələnən yol qəzası baş verib. Сars-az "report"a istinadən xəbər verir ki, hadisə rayonun Darquba kəndində baş verib.

Belə ki, Lənkəran şəhər sakini, Heydər Əliyev küçəsi 73 saylı mənzildə yaşayan, 1993-cü il təvəllüdlü Məmmədli Nəriman Seyran oğlu idarə etdiyi VAZ-21015 markalı 42-BS-753 dövlət nömrə nişanlı avtomaşınla idarəetməni itirərək, yol kənarındakı maneəyə çırpılıb. Sürücü hadisə yerində keçinib.

Meyit Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran şöbəsinə təhvil verilib.

Qəzanın baş vermə səbəbləri araşdırılır.

Qeyd edək ki, N.Məmmədlinin aprel ayının 27-də toyu olacaqmış.