Aeroport yolunda qəza: maşının banı parçalandı

Aeroport yolunda avtoqəza olub. Cars-az criminal.az-a istinadən xəbər verir ki, qəza Komsomol dairəsi yaxınlığında baş verib. Yüksək sürətlə hərəkət edən "VAZ-2106" markalı avtomobil dairədə "Mercedes" markalı maşının yoluna çıxıb və qəza qaçılmaz olub. Hadisə yerinə yol polisi gəlib. Qəzanın "VAZ-2106" markalı avtomobilin səhvindən baş verdiyi bildirilir.

Onu da əlavə edək ki, "VAZ-2106" markalı avtomobil həddindən artıq köhnə olduğundan adi zərbədən ban hissəsi bir neçə yerdən bölünüb.

Faktla bağlı araşdırma aparılır.