Avtomobil qəzası zamanı yol təsərrüfatına ziyan dəyib

Bu gün səhər saatlarında Bakı Dairəvi - 1 avtomobil yolunun Biləcəri qəsəbəsinə doğru düşən hissəsində baş vermiş qəza zamanı yol təsərrüfatına ziyan dəyib. Cars-az xəbər verir ki, bk barədə “Azəryolservis” ASC-dən verilən məlumata görə, 16 paqon-metr əyri xətli dəmir tir və 1 yol nişanı sıradan çıxıb. Gürcüstan dövlət nömrə nişanlı sərnişin avtobusu ilə minik avtomobilinin toqquşması nəticəsində avtobus yol ayrıcında yerləşən əyri-xətli dəmir tirlərə çırpılıb. İlkin hesablamalara görə, qəza zamanı yol təsərrüfatına 1525 manat məbləğində ziyan dəyib. “Azəryolservis” ASC-nin əməkdaşları tərəfindən dəymiş ziyanla bağlı fakt aktlaşdırılaraq, aidiyyatı üzrə göndərilib.

Emin