Üç maşın toqquşdu: 3 nəfər xəstəxanalıq oldu

Ağcabədi rayonunda ağır yol-nəqliyyat hadisəsi baş verib. Rayonun Hindarx qəsəbəsində "VAZ 2106", "VAZ 21011" və "Opel" markalı avtomobillər toqquşub. Hadisə nəticəsində 1974-cü il təvəllüdlü Tağıyev Məhər Valeh oğlu, 1958-ci il təvəllüdlü İbrahimov Adil Xanqulu oğlu, 1986-cı il təvəllüdlü Xudiyev Nicat Sahəddin oğlu müxtəlif dərəcəli bədən xəsarətləri alıblar. Ağcabədi Rayon Mərkəzi Xəstəxanasına yilkin tibbi yardım göstərildikdən sonra yaralılar evə buraxılıblar.

Faktla bağlı araşdırma aparılır.

APA