Saatlıda baş verən qəzada bir nəfər öldü

Saatlı rayonunun Bəylər kəndində ağır yol nəqliyyat hadisəsi baş verib. Daxili İşlər Nazirliyinin mətbuat xidmətindən Cars-az-a verilən məlumata görə, Beyləqan rayon sakini Elman Behbudov idarə etdiyi “QAZ-53” markalı avtomobillə yolu keçən kənd sakini Afər Nuruşovu vurub.

Daha sonra idarəetməni itirən sürücü avtomobili yolun kənarında dayanmış Qaracalar kənd sakini Şövqi oğlu Əzizova məxsus “VAZ-21011” markalı avtomobilə çırpıb. Nəticədə piyada hadisə yerində ölüb. Faktla bağlı Saatlı rayon polis şöbəsi tərəfindən araşdırma aparılır.