Rusiya vətəndaşı Şəkidə piyadanı vuraraq öldürdü

Şəkidə ölümlə nəticələnən yol-nəqliyyat hadisəsi baş verib.

Cars-az xəbər verir ki, bu barədə Şəki Şəhər-Rayon Polis Şöbəsindən apa-ya verilən məlumata görə, hadisə rayonun Qoxmuq kəndi ərazisində qeydə alınıb.

Rusiya vətəndaşı, 1969-cu il təvəllüdlü Səlimov Şahid Tofiq oğlu idarə etdiyi "Lada-Granta" markalı Rusiya dövlət nömrə nişanlı avtomobillə yolu keçmək istəyən piyada, Qoxmuq kənd sakini,1936-cı il təvəllüdlü Yusipov Əsəbəli Müslüm oğlunu vurub.

Nəticədə piyada aldığı xəsarətdən Şəki Mərkəzi Rayon Xəstəxanasında dünyasını dəyişib.

Faktla bağlı cinayət işi başlanılıb, istintaq aparılır.