Maşın bazarında yanğın olub

Sumqayıt maşın bazarında ötən gecə güclü yanğın olub. Cars-az Fövqəladə Hallar Nazirliyinin (FHN) saytına istinadən verdiyi xəbərə görə, yanğın Bakı-Quba yolunun 32-ci km-də yerləşən, ümumi sahəsi 1600 kv.m olan Sumqayıt maşın bazarının ərazisində baş verib. Nəticədə biri-birinə bitişik tikilmiş avtomobil ehtiyat hissələri satılan mağazaların yanar konstruksiyaları, içərisində olan avtomobil ehtiyat hissələri və dam örtüyü 350 kv.m sahədə yanıb. Ərazidə olan tikililər digər yanğından mühafizə olunub. Yanğın saat 02:17-də yanğınsöndürənlər tərəfindən söndürülüb.