Göyçayda iki maşın toqquşdu: 4 yaralı

Göyçay rayonunda yol-nəqliyyat hadisəsi baş verib. Cars-az-ın APA TV-yə istinadən xəbərinə görə, hadisə bu gün saat 16:00 radələrində Göyçay şəhərinin Mehdi Hüseynzadə küçəsində qeydə alınıb. Məlumata görə, 10 CV 605 dövlət nömrə nişanlı “VAZ-21099” və 62 BB 913 dövlət nömrə nişanlı “Niva” markalı minik avtomobillər toqquşub. Qəza nəticəsində rayon sakinləri - 1998-ci il təvəllüdlü Qasımova Aygül Rayus qızı, 1960-cı il təvəllüdlü Mikayılov Şiraslan Arif oğlu, 1957-ci il təvəllüdlü Qasımov Rayus Cəmaləddin oğlu və 1963-cü il təvəllüdlü Qasımova Gülbəniz Ağababa qızı ağır xəsarət alıb. Yaralılar təcili və təxirəsalınmaz tibbi yardım maşınları ilə Göyçay Mərkəzi rayon Xəstəxanasına çatdırılıb. Faktla bağlı Göyçay rayon Polis Şöbəsi tərəfindən araşdırma aparılır.