Bakı-Qazax magistralında ağır qəza

Bakı-Qazax magistralında ağır yol qəzası olub. Cars-az xəbər verir ki, bu barədə anspress-in bölgə müxbiri xəbər verib, hadisə Göygöl rayonun Hacıməlik kəndindən keçən hissəsində, Zazalı postuna yaxın ərazidə baş verib. Sürətlə hərəkət edən “VAZ-21015” markalı avtomobil hərəkətdə olarkən KamAZ markalı yük avtomobilinə çırpılıb. Hadisə yük maşınının qəfildən dönmə əməliyyatı etməsi nəticəsində baş verib. Qəza nəticəsində minik avtomobilində olan 61 yaşlı Telli İbrahimova, 37 yaşlı Nərgiz İlyasova və 30 yaşlı Amid İbrahimov ağır yaralanıb.

Yaralılar xəstəxanaya yerləşdiriliblər. Faktla bağlı araşdırma aparılır.