«Miqalkalı» maşının sürücüsü yol polisinə «Yol ver» dedi, aləm qarışdı

Bakının Yasamal rayonunda - «Sovetski» kimi tanınan ərazisində qəribə olay baş verib. Orxan Fərəcov adlı oxucunun Cars-az-a verdiyi məlumata görə, təxminən saat 20:00 radələrində «Sovetski»də 10-dan çox polis əməkdaşı üzərində sayrışan işıqları olan və Rusiya Federasiyası dövlət nömrə nişanlı avtomobilin önünü kəsiblər. Bir neçə YPX və PPX avtomobilinin toplandığı həmin ərazidə sıxlıq yaranıb. Polis əməkdaşları sürücüyə yaxınlaşaraq nəsə danışıblar və bir qədər sonra həmin sürücü sərbəst şəkildə hərəkəti davam etdirib. Ətrafdakıların dediyinə görə, sürücü yol polisindən ona yol verməyi tələb edərkən yol polisi «sən kimsən ki, mən sənə yol verim» deyərək avtomobilin arxasınca düşüb. Sonra isə əlavə olaraq bir neçə polis əməkdaşı hadisə yerinə cəlb edilib və bundan sonra həmin avtomobili saxlayıblar.

Fərid