Sərnişinlər təxliyyə edildi

Bakı Metropolitenində qatarda texniki nasazlıq olub, sərnişinlər təxliyyə edilib. Bunu “Bakı Metropoliteni” QSC-nin mətbuat xidmətinin rəhbəri Nəsimi Paşayev anspress-ə açıqlamasında bildirib. Onun sözlərinə görə, "İçərişəhər" stansiyasında təxminən saat 15:40-da qatarda texniki nasazlıq yaranıb və qatar hərəkət edə bilməyib. Dərhal sərnişinlər qatardan təxliyyə edilib. Qatar təmir üçün depoya göndərilib. Yaranmış texniki nasazlıqla əlaqədar qatarların hərəkətində 25 dəqiqə gecikmə olub.