Rüşvətə görə tutulan polis rəisi xəstəxanaya yerləşdirildi

Rüşvət almaqda şübhəli bilindiyinə görə saxlanılan Moskvanın “Vnukovo” aeroportunun polis şöbəsinin rəisi İqor Kukuşkin xəstəxanaya yerləşdirilib. APA-nın “TASS”a istinadən verdiyi xəbərə görə, onun xəstəxanaya yerləşdirilməsinin səbəbi qəfil ürək tutması olub. Onun barəsində qəti-imkan tədbirinin seçilməsi məsələsinə həkim müayinəsindən sonra baxılacaq.

Qeyd edək ki, Kukuşkin qadağan olunmuş yüklərin ölkə daxilinə keçirilməsi üçün 4 min dollar rüşvət götürməkdə şübhəli bilinərək saxlanılıb. Bundan əvvəl Kukuşkinlə cinayətdə əlbir olan Aleksey Boqdanov iki ay müddətinə həbs olunub.