İstanbul-Bakı-İstanbul aviareysi təxirə salındı

Fevralın 3-də İstanbulda gözlənilən fırtınalı hava şəraiti ilə əlaqədar "Türk Hava Yolları" (THY) İstanbul-Bakı-İstanbul aviareysini təxirə salıb.

Сars-az azərtac-a istinadən bildirir ki, bu barədə "Türk Hava Yolları"nın rəsmi saytında yerləşdirilmiş məlumatda deyilir. Məlumata görə, fevralın 3-də İstanbul Atatürk Aeroportundan həyata keçirilən İstanbul-Bakı-İstanbul aviareysi fırtınalı hava şəraiti ilə əlaqədar təxirə salınıb.

Qeyd edək ki, hava şəraiti ilə əlaqədar THY fevralın 3-də ümumilikdə 24 aviareysi müvəqqəti dayandırıb.