Göygöldə TIR məktəb direktorunu vurub öldürdü

Göygöldə ölümlə nəticələnən yol nəqliyyat qəzası baş verib. Cars-az-ın APA-ya istinadən verdiyi məlumata görə, hadisə Bakı-Qazax magistral yolunda, Göygöl rayonun Hacıməlik kəndindən keçən hissəsində baş verib. Əslən Kəlbəcər rayonundan olan, hazırda Ağsu rayonunda məskunlaşan 1977-ci il təvəllüdlü Firdovsi Əhmədov yolu keçmək istəyərkən 1963- il təvəllüdlü Ukrayna vətəndaşı Yuriy Valçenkonun idarə etdiyi TIR tərəfindən vurulub. Piyada hadisə yerinə dünyasını dəyişib.

Məlumata görə, ölən F.Əhmədov Kəlbəcər rayon Təhsil Şöbəsinə məxsus məktəblərin birinin direktoru vəzifəsində çalışırdı. Faktla bağlı Baş Dövlət Yol Polisi İdarəsində araşdırma aparılır.