Dayanacaqlarda siqaret çəkmək qadağan ediləcək

İctimai yerlərdə tütünsüz mühit yaratmaq üçün xeyli müddətdir ki, Milli Məclisdə müzakirələr aparılsa da, hələlik bunun qarşısını almaq mümkün olmayıb. Qanunverici orqan bununla bağlı qanun qəbul etməyə tələsməsə də, paytaxt küçələrindəki mənzərə qanunun qəbulunun vacibliyindən xəbər verir. Hazırda Bakıda elə dayanacaq tapılmaz ki, onun ətrafında yerə tökülmüş siqaret kötükləri tapılmasın. Azərbaycana turist axınının günü-gündən artdığını nəzərə alsaq, paytaxtda dayanacaqlarda yaranmış bu mənzərə heç də ürəkaçan deyil.