Bakının mərkəzi küçələrindən biri üç günlük bağlanır

Fevralın 24-ü gecə saat 11-dən etibarən Dilarə Əliyeva küçəsinin Kövkəb Səfərəliyeva küçəsi ilə kəsişməsindən “Azərbaycan Dəmir Yolları” QSC-nin qarşısınadək olan hissəsində avtomobillərin hərəkəti dayandırılacaq. Nəqliyyat Nazirliyi “Azəryolservis” ASC-nin mətbuat katibliyindən Cars-az-a bildirilib ki, alternativ variant kimi 28 May, Nizami, Rixard Zorge, Puşkin küçələrindən istifadə etmək məsləhət görür. Asfalt-beton örtüyünün döşənməsi, kommunikasiya quyularının dəyişdirilməsi ilə əlaqədar 3 gün müddətinə həmin hissə bağlı olacaq.

Sürücülərə alternativ yollardan istifadə etmələri tövsiyə olunur.

Fidan