Maşın hərracı – 445 manatan başlayan QİYMƏTLƏR

İyulun 21-də Əmlak Məsələləri Dövlət Komitəsi (ƏMDK) yanında Hərracların Təşkili üzrə Auksion Mərkəzində (HTAM) avtomobil hərracı keçiriləcək. Cars-az ƏMDK-ya istinadən yaydığı məlumata görə, hərraca istehsal ili 1987-ci ildən 2005-ci ilə qədər olan 24 nəqliyyat vasitəsi çıxarılacaq. Maşınların qiyməti 445 manatdan 3778 manata qədər dəyişir. 1-9 və 11-ci sətirdəki avtomobillər 5-ci dəfə, 50% endirimlə, 10 və 12-24-cü sətirdəki maşınlar isə 4-cü dəfə, 25 % endirimlə təkrar hərraca çıxarılır.

Hərracda iştirak etmək istəyənlər əldə etmək istədikləri avtomobilin start qiymətinin 10%-i qədər, Azərbaycan Mərkəzi Bankındakı AZ65NABZ01361150000000004944 nömrəli hesaba beh ödəməlidir. Daha sonra ödəniş qəbzini şəxsiyyət vəsiqəsi ilə birlikdə iyulun 18-nə qədər hərrac komissiyasına təqdim etmək lazımdır. HTAM Bakı şəhəri, Nərimanov rayonu, Zeynal Xəlil küçəsi, 11a ünvanında yerləşir.