Maşın bazarından kasko sığortaya zərbə

Azərbaycanda kasko sığortasının azalması avtomobil satışının azalması ilə bağlıdır. Cars-az fins-ə istinadən xəbər verir ki, bunu Azərbaycan Sığortaçılar Assosiasiyasının sədri Orxan Bayramov bildirib. Onun sözlərinə görə, bu ilin ilk 5 ayı ərzində kasko sığortadan 12,9 milyon manat sığorta haqqı yığılıb ki, bu da ötən ilin eyni dövrü ilə müqayisədə 10% azdır. “Təzə maşınların dövriyəsinin azalması və bundan əlavə köhnə avtomobillərin satışının paralel olaraq azalması kasko ilə bağlı satışların azalmasına təsir göstərir. Məsələn, təzə maşın alan vətəndaş daha çox avtomobolini sığortalamağa həvəslidir. 5-10 ilin avtomobilini isə sığortalamağa maraq göstərən çox azdır”.