Sürücüləri və piyadaları sevindirəcək qanun qüvvəyə mindi

Yol hərəkəti qaydalarını pozuntularına görə tətbiq edilmiş cərimələrin ödənişini gecikdirmiş sürücüləri sevindirəcək qanun Azərbaycan Prezidenti İlham Əliyevin aprelin 12-də imzaladığı sərəncamla qüvvəyə minib. avtosfer.az saytının verdiyi məlumata görə, İnzibati Xətalar Məcəlləsinə edilən dəyişikliyə əsasən, bundan sonra cərimənin ödənilməsi gecikdirildikdə onun üzərinə əvvəlki kimi 3 yox, 2 ay faiz gələcək. Yəni gecikən cərimə 180 % yox, 120% arta biləcək. Ən maraqlısı budur ki, bu düzəlişin geriyə qüvvəsi də var. Yəni kiminsə cəriməsinə artıq 180% əlavə olunubsa, bunun yalnız 120%-i alına bilər, 60%-i silinməlidir. Sürücü dostlar, həmin düzəlişin qalan yeniliklərini bazar ertəsi diqqətinizə çatdırmağa çalışacağıq, avtosfer.az-ı izləməyə davam edin.

avtosfer.az