Bakı küçələri gecələr zülmətə dönür

"Bizim Yol" qəzetinə sürücülər tərəfindən paytaxtdakı yollarda işıqların söndürülməsi ilə bağlı çoxsaylı şikayətlər daxil olub. Əsasən Bakı-Sumqayıt magistralından istifadə edənlər qaranlıqda hərəkət etməyin təhlükə yaratdığını bildirirlər. Sürücülərin sözlərinə görə, havanın tez qaralıb, gec işıqlandığı bu fəsildə qəzaların artmasının bir səbəbi də ya işıqlanmanın olmaması, ya da çox zəif olmasıdır. Yaşayış sahəsini iki hissəyə bölən şossedə istənilən an qəza və ya piyada vurulma halı baş verə bilər.