Əmi qardaşının 8 yaşlı oğlunu belə öldürdü

Salyan rayonunda traktorun kanala aşması nəticəsində 8 yaşlı uşaq ölüb. Cars-az-ın APA-ya istinadən verdiyi məlumata görə, martın 14-də Salyan rayonu Düzənlik kənd sakini, 1991-ci il təvəllüdlü Yusif Eldar oğlu Abbasov idarə etdiyi traktoru kanala aşırıb. Traktorda olan qardaşı oğlu, 2007-ci il təvəllüdlü Abbasov Əvəz Elşad oğlu ağır bədən xəsarətləri ilə xəstəxanaya aparılarkən yolda dünyasını dəyişib. Traktorun sürücüsü isə Şirvan Şəhər Mərkəzi Xəstəxanasında ambulator yardım alaraq evə buraxılıb.

Faktla bağlı Salyan polis şöbəsində araşdırma aparılır.