Abşeronda baş verən yol qəzasında piyada ölüb

Abşeron rayonunda ölümlə nəticələnən yol-nəqliyyat hadisəsi baş verib. Cars-az DİN-in saytına istinadən verdiyi məlumata görə, dekabrın 10-da saat 08 radələrində Abşeron rayonunun Aşağı Güzdək qəsəbəsində qəsəbə sakini Nadir Rəhmanov idarə etdiyi “Mitsubishi” markalı avtomobillə yolu keçən Bakı şəhər sakini Əlvan Əhmədovanı vurub, sonradan idarəetməni itirərək paytaxt sakini Mənsur Qurbanova məxsus “Mercedes” markalı avtomobilə dəyib. Nəticədə piyada xəstəxanaya yerləşdirilib. O, dekabrın 20-də orada ölüb.

Faktla bağlı araşdırma aparılır.

Emin