Taksi sürücüsünə bıçaq çəkən şəxs tutuldu

Bakıda müştəri qismində mindiyi taksi sürücüsünü bıçaqlayan, daha sonra onun avtomobilini aparan şəxs tutulub. Bu barədə Cars-az-a Bakı Şəhər Baş Polis İdarəsinin mətbuat xidmətindən bildirilib. Sabunçu rayon Polis İdarəsinin (RPİ) Cinayət Axtarış Şöbəsi və İdarənin 12-ci Polis Bölməsi (PB) əməkdaşlarının birgə keçirdiyi əməliyyat-axtarış tədbirləri nəticəsində fevralın 2-də saat 24 radələrində, Ramana qəsəbəsində Bakı şəhər sakini 1985-ci il təvəllüdlü Ramil Müseyibovə bıçaqla ağır bədən xəsarəti yetirməkdə şübhəli bilinən Bakı şəhər sakini, 1984-cü il təvəllüdlü Nicat Rzaquliyev tutulub. Faktla bağlı araşdırmalar davam etdirilir.

Fidan