"Mən taksi kimi getmişəm, heç nədən xəbərim olmayıb"

Paytaxtda oğurluqda şübhəli bilinən şəxslər tutulub. Сars-az regiontv-yə istinadən xəbər verir ki, Bakı şəhər sakinləri, 22 yaşlı Tamerlan Məmmədov, 20 yaşlı Zöhrab Məmmədov və Beyləqan rayon sakini 23 yaşlı Qarakişi Əliyev saxlanılıblar. Müəyyən edilib ki, onlar yanvarın 10-na keçən gecə, 33 nömrəli poçtun pəncərəsinin dəmir barmaqlığını sındırıblar və oradan içərisində 110 manat, 200 ABŞ dolları və poçt markaları olan seyf oğurlayıblar.

Bundan əlavə 3 saylı poçtun 123 saylı filialından müxtəlif regionlardan gəlmiş, vətəndaşlara məxsus 100 ədəd bağlama oğurlayıblar.

Yanvarın 15-nə keçən gecə, Aşıq Ələsgər küçəsində Müşfiq Hüseynova məxsus mağazadan isə qapını sındırmaqla 800 manat və 10.500 manat dəyərində tütün məmulatları aparıblar.

Saxlanılan şəxs: "İki nəfər olmuşuq. Birinci poçtdan, seyfdən 200 dollar götürdük, o biri poçtdan heç nə çıxmadı. Marketdən də 25 blok siqaret aparmışıq".

Saxlanılan şəxs: "Hara gediblər, nə ediblər, xəbərim olmayıb. Mən yanlarında taksi kimi getmişəm. Mənə 40 manata pul veriblər.

Faktla bağlı cinayət işi başlanıb.