Avtovağzalda bilet satışı ilə bağlı AÇIQLAMA

Bakı Beynəlxalq Avtovağzal Kompleksində bilet satışı ilə bağlı yaranan problem bu gün səhər saatlarından artıq aradan qaldırılıb.

Cars-az xəbərə verir ki, bu barədə publika.az-a qurumun mətbuat əlaqələndiricisi Məhəmməd Abdullayev bildirib.

Onun sözlərinə görə, bilet satışında problemin yaranmasına səbəb serverdə yaranan nasazlıq olub: “Bilet satışında problem serverin xarab olması ilə bağlı yaranmışdı. Bu gün səhər saatlarından server bir-iki saatlıq işləmədi. Artıq düzəlib və problem aradan qalxıb. Biz əlavə olaraq vaxtı uzatdıq ki, sərnişinlər rahat şəkildə bilet ala bilsinlər”, - M.Abdullayev bildirib.

M.Abdullayev həmçinin bildirdi ki, bilet satışında da heç bir qiymət artımı olmayıb.