Avtomobildən 40 min manat oğurlayan şəxs tutulub - Şəmkirdə

Şəmkir rayonuna həmyerlisinin avtomobilindən 40 min manat pul oğurlayan şəxs tutulub. Сars-az Daxili İşlər Nazirliyinin (DİN) saytına istinadən xəbər verir ki, fevralın 25-də rayonun 20 Yanvar küçəsində Sarif Əliyev həmyerlisi Yalçın Sadıqova məxsus “Mercedes” markalı avtomobildən açıq talama yolu ilə içərisində 15000 manat və 15800 ABŞ dolları, habelə 1 ədəd mobil telefon olan torbanı götürüb qaçıb. S.Əliyev həmin ərazidə xidmət aparan polis əməkdaşları tərəfindən tutulub.

Faktla bağlı Şəmkir Rayon Polis Şöbəsində (RPŞ) araşdırma aparılır.