Gəncədə 21 yaşlı qız atasının maşınını qaçırdı və qəza

Bakı-Qazax magistral yolunda avtomobil aşıb, bir nəfər xəsarət alıb. Cars-az-ın APA-ya istinadən verdiyi məlumata görə, hadisə yolun Göygöl rayonu ərazisindən keçən hissəsində qeydə alınıb. Gəncə şəhər sakini, 1994-cü il təvəllüdlü Həsənli Aydan Zöhrab qızı atasına məxsus “Hyundai” markalı avtomobili qaçıraraq magistral yolla hərəkət edərkən aşırıb. Qəza zamanı A.Həsənli müxtəlif bədən xəsarətləri alaraq Gəncə şəhər Təcili Tibbi yardım xəstəxanasına yerləşdirilib. Onun vəziyyətinin normal olduğu bildirilir. Faktla bağlı Baş Dövlət Yol Polisi İdarəsində araşdırma aparılır.