Bir-birinə yol verməyən sürücülərin davası: dəyənəklər göydə oynadı

Bakıda sürücülər yol verməmək üstündə dubinka davasına qalxıblar. Cars-az xəbər verir ki, hadisə şahidlərinin Criminal.az-a verdikləri məlumata görə, hadisə bu gün saat 09 radələrində Ziya Bünyadov prospektində (Dərnəgül yolu) baş verib. ""Hyundai" və ""Priora"" markalı avtomobillərin sürücüləri bir-birinə yol verməmək üstündə mübahisə ediblər. Hər iki sürücü avtomobilini saxlayaraq məsələni həll etmək istəyib. Lakin ""Priora""dan düşən 3 nəfər ""Hyundai""ın sürücüsünü dayanmağına peşman ediblər. Onlar dəyənəklə ""Hyundai""yı əzməyə başlayıblar. Bununla da ürəyi soyumayan şəxslər sürücünü döyüblər. Yaxınlıqdakı insanlar sürücünü hiddətlənmiş şəxslərin əlindən alıblar.