Azərbaycanda traktor istehsalı azalıb

2016-cı ilin yanvar-fevral aylarında Azərbaycanda 144 traktor istehsal edilib. Bu, 2015-ci ilin analoji dövr göstəricisindən 22,6 faiz azdır.

Сars-az trend-ə istinadən xəbər verir ki, bu barədə Dövlət Statistika Komitəsinin cari ilin ilk iki ayının yekunları üzrə hesabatında deyilir.

2016-cı ilin ilk iki ayında Azərbaycanda 42 yük avtomobili istehsal edilib ki, bu da 2015-ci ilin analoji dövrünün göstəricisindən 45,5 faiz azdır.

Qeyd edək ki, Azərbaycanda nəqliyyat vasitələrinin istehsalı üzrə iki zavod – Naxçıvan və Gəncə avtomobil zavodları fəaliyyət göstərir.