Milyonluq maşını salondan çıxan kimi əzdi

Budapeşt sakini "La Ferrari" markalı maşınını aldıqdan bir neçə dəqiqə sonra əzib. Cars-az-ın məlumatına görə, axar.az «deylimeyl»-ə istinadən xəbər verir ki, adı çəkilməyən sürücü idman maşınının idarəetməsini itirərək yolun kənarında dayanmış bir neçə maşını vurub. Şahidlərin sözlərinə görə, sürücü baş verən insidentə çox biganə yanaşıb.

Mənbənin verdiyi məlumata görə, "Ferrari" şirkəti "La Ferrari" markalı 499 maşın istehsal edib. Maşının qiyməti 1 milyon funtdur. Bu maşın gücləndirilmiş mühərriki (950 at gücündə) hesabına 3 saniyəyə 100 km/saat sürət əldə edə bilir.